ཆོས་ལ་འཇུག་པའི་རྩོམ།

༈ ཁམས་གསུམ་འཁོར་བའི་གནས་ཀྱི་མུན་པ་ནང་། །སྡུག་བསྔལ་མ་གཏོགས་བདེ་བ་ཡོད་མ་ཡིན། །དེ་ཕྱིར་བློ་རིག་ཅན་གྱི་གཞོན་ནུ་རྣམས། །འཁོར་བའི་ཆོས་ལ་སྙིང་པོ་མེད་པར་བསམ། །ཕྱི་མ་ཕན་པའི་ཐར་པའི་ལམ་བཟང་འདི། །ཆོས་ཀྱི་སྙིང་པོ་རང་གིས་སེམས་ནི་འདུལ། །འཇིག་རྟེན་འཁྲུལ་པའི་ཆོས་ནི་དབེན་པར་བསྒོམ། །སུ་ལའང་རང་དབང་མེད་པར་རྟག་ཏུ་དྲན། །དམ་ཆོས་ཡིད་བཞིན་ནོར་བུའི་མ་ཎི་བགྲང་། །སྔར་བྱས་སྡིག་པ་ཁོང་དུ་ཡང་ཡང་
བསམ། །ལུས་སེམས་རུས་པའི་གཏིང་ནས་འགྱོད་པ་བསྐྱེད། །སྒོ་གསུམ་གུས་པའི་ཐོག་ཏུ་བཤགས་པ་ཕུལ། །ཆོས་པའི་གཟུགས་ཀྱིས་ཆོས་མིན་བྱེད་སྲིད་པར། །དེང་དུས་མི་རྣམས་ཀུན་གྱིས་མཁྱེན་པ་ལས། །ཐུགས་བརྩེ་བལ་ནས་འཇམ་པའི་ལྟོ་ཚང་རྣམས། །བློ་སེམས་ཆོས་ལ་བསྐུལ་ནས་མི་རྟག་དྲན། །དཀའ་སྡུག་ལན་ཅིག་མྱོང་ཚེ་
ཐུགས་མ་འཁྲུལ། །འཁོར་བའི་བདེ་བ་རྩ་ཡི་ཟིལ་པ་བཞིན། །སྐད་ཅིག་ཙམ་གྱིས་སྟོང་པའི་ཆོས་ཉིད་ལ། །ནོར་འཁྲུལ་མ་ཞུགས་རྟག་པར་ཆོས་ལ་བརྩོན། །དེང་སང་དུས་ངན་སྙིགས་མ་ཤར་བའི་ཚེ། །སེམས་ཁམས་འཁྲུག་པའི་རྒྱུ་རྐྱེན་སྣ་ཚོགས་བྱུང་། །སེམས་ནི་དྲན་ཤེས་ངང་དུ་མ་བསྲུང་ན། །ཚུལ་མིན་བྱ་བ་རྣམས་ལ་བརྩོན་པ་དགའ། །སྒོ་གསུམ་རང་དབང་ཡོད་པའི་དུས་ཚོད་ནང་། །ལུས་ཀྱིས་མཆོད་རྟེན་སོགས་ལ་བསྐོར་བ་བྱེད། །ངག་གིས་གཞན་ལ་སྙན་པའི་ཚིག་རེ་སླབ། །ཡིད་ཀྱིས་བརྣབ་སེམས་བསྐྱེད་པའི་སེམས་རེ་སྤང་། །རང་ལ་རྒྱུ་ནོར་མེད་ན་མེདཔ་རང་དགའ། །དེ་ལས་ལྷག་པའི་སྐྱིད་པོ་གཞན་ན་མེད། །དཀའ་སྤྱད་ལུས་ལ་མངོན་སུམ་མ་མྱོང་ན། །བདེ་བའི་ས་ལ་རྙེད་པའི་ཆོས་མི་དྲན། །ཕྱི་ཡི་དཔེ་ལ་བསམ་སྟེ་མི་རྟག་དྲན། །ནང་གི་སེམས་ལ་བརྟག་ནས་ཕན་སེམས་བསྐྱེད། །རྟག་པར་དཀོན་མཆོག་གསུམ་ལ་དད་པ་བསྐྱེད། །ཆོས་ལ་འཇུག་པའི་ལམ་ལས་མ་བྲལ་ཞུའོ།།